மீனாட்சி சுந்தரப் புலவர் 'அருளிய' ஸ்நோலின் வெண்பா மாலை

நீர்காக்க மண்காக்க நீபோன ஊர்வலத்தில்

ஊர்காக்க விட்டாய் உயிர்

தூரத்தில் நீநடந்தும் துப்பாக்கிப் பற்களுனைக்

கீறிக் கிழித்தகதை கேள்

'வேதாந்தா' விட்டெறிந்த வெள்ளிப் பணம்பொறுக்கச்

சாதா ரணமாமுன் சாவு !

ஆட்சிப் பணிக்கூலி ஆற்றுகின்ற சேவைக்குச்

சாட்சியமோ உன்றன் சவம்?

நித்திலப் பேரலையின் நீலக் கடலிற்குச்

செத்தேநீ தந்தாய் சிவப்பு

காவி சதிபின்ன, காக்கி குறிவைக்க

சாவில் பிளந்ததுவோ சங்கு ?

பின்மண்டை உட்சென்று முன்மண்டை பேர்த்தெடுக்கும்

குண்டுகளால் செய்தான் கொலை

இடைப்பாடி மைந்தனுடன் இந்தியாவை விற்றோன்

துடைத்தெறிந்த தூத்துக் குடி

'அரசார் கொலைகள் அறம்சார் கலைகள்'

துறைசார் கருத்தே துணை!

ஆணைய ஆய்வுனக்கே அள்ளிக் கொடுத்தாலும்

போனவுயிர் மீளுமோ போ !